الرئيسية فقدت كلمة المرور تسجيل مشاركات اليوم اتصل بنا

العودة   منتديات البتول عليها السلام > قسم المُنتديات الإسلامية > مُنتدى الصوتيات و المرئيّات > مُنتدى اللطميات و الأناشيد المكتوبة
التسجيل التعليمـــات التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 12-30-2006, 1:45 am
شيرازية شيرازية غير متصل
 
تاريخ التسجيل: Jun 2006
المشاركات: 447
افتراضي تابع قصائد ملا باسم

سلامون عليكم
قصائد إلى الملا باسم الكربلائي بقلم الاسطورة الإمبراطور الأديب الشاعر جابر الكاظمي حفظهم الله بحق صاحب العصر الزمان :
1- تحجي لك الزوار

تحچي لك الزوار ناشدها ناشدها - يتلالى بالأنوار مرقدها مرقدها
طفلة رقية - صبح ومسية - جنة وزهية
مرقدها مرقدها

يالمعتني وتريد - تاخذ جواب يفيد - إسمع خبرها
لعيونك من بعيد - عنها بصراحة يشيد - يشهد گبرها
لو رايد التوكيد - عن علة التمجيد - لوعة لگدرها
وين الأمير يزيد - وإلي بمكرها تكيد - ضايع أثرها
غي رالحقد آثار ما عدها ما عدها - ما نالت الأشرار مگصدها مگصدها
يا أهل الجريمة - شوفوا اليتيمة - بهيبة عظيمة
مرقدها مرقدها

يالإلك حاجة وجاي - بلهفة گلب عناي - صادق مرامة
هاي الوجيهة هاي - وعندها الدوى لكل داي - إلها كرامة
ليها إعتني شچاي - وإلمختلف بالراي - إترك كلامه
صيح بعهد وفاي - مولاتي يا رجواي - يوم القيامة
عندك علم وأخبار عن جدها عن جدها - وبمنزل الأطهار مولدها مولدها
متورثة ذاته - وسيرة حياته - تشهد صفاته
مرقدها مرقدها

لا تعقد التفكير - طفلة وعمرها زغير - تجهل فضلها
لو تمتلك تدبير - عندك يقين يصير - تدرك مثلها
من الله هالتقدير - إلهم زغير چبير - تقدير أهلها
لا تصطدم وتحير - هالعبرة للتذكير - الله جعلها
وبقدرته الجبار أيدها أيدها - لأهل الوعي تذكار خلدها خلدها
هاي الحقيقة - للضل طريقه - أكبر وثيقة
مرقدها مرقدها

يالتسمع أنظر زين - هاي الكرامة منيم - نالت علاها
طفلة وهضمها البين - وين أهلي صاحت وين - رفعت نداها
غمضت جفن العين - شافت أبوها حسين - بالطيف إجاها
من صفگت الچفين - والدمع عالخدين - وإشتد بچاها
زين العباد إحتار شاهدها شاهدها - تبچي وتريد إحضار والدها والدها
الدمعة تصبها - يلهب گلبها - وأصبح طلبها
مرقدها مرقدها

ولن الأبو المذبوح - بالطشت راسه يلوح - فگدت أملها
وبگلب كله جروح - شبگته ولنها تنوح - الدمعة تهلها
طفلة بنظر مشبوح - من عگبه وين تروح - تشكي عللها
لنها بجسد مطروح - غربت عنه الروح - گرب أجلها
لو شاءت الأقدار شيردها شيردها - بالغربة لمن صار مرقدها مرقدها
الباري بحسابه - خلى الخرابة - سر الغرابة
مرقدها مرقدها


2- جمال الكون من شريط ياعلي


جمال الكون بشفافك - الگلب مفتون بأوصافك
سحر معناك - إندفن وياك
يا حيدر

بدر علياك من يظهر
ضوى الأكوان - يظل خجلان
بحجاب الغيظ يتستر
أوصفك بيش ما أقدر
الوصف هيهات - يوصف ذات
بضوى الخلاق تتنور
عمد للكون يا محور
وجودك صار - أخو المختار
وأبو الأطهار يا أطهر
بشذاك الطيب يتعطر
علينه فاح - حيا الأرواح
بدر لولاك ما أزهر
مطالع نور من وجهك - بشر بالكون ما يشبهك
ولحن نجواك - إندفن وياك
يا حيدر

المفاتن بيك تتجسم
سحر ينساب - من الأهداب
بشذى التقديس يتنسم
يظل معناك سر مبهم
بجبين اللوح - سناك يلوح
على التكوين يتقسم
حدر جفنيك يتنعم
بحسن مضمور - خمايل نور
بلحن طرواك تتنعم
جبينك نور يتزاحم
يا بو السبطين - سواد العين
شبيه الليل لو عتم
بصدى العشاگ ناديتك - فرض عالناس قدسيتك
جمالك ذاك - إندفن وياك
يا حيدر

إلك إشعاع ظل يمتد
إلك أسرار - يا حامي الجار
لعقول الناس ما تمحد
لوجودك دوم نتودد
إذا مصباح - لفانه ولاح
المحاسن بيك تتجدد
بهواك أرواح تتنهد
معاني الشوگ - عليك تلوگ
يا روح الروح يا أوحد
إله الكون خل يشهد
رفعنه الصوت - على حد الموت
نآمن بيك ما نرتد
حلى الإيمان بوجودك - بحور تفيض من جودك
كرم يمناك - إندفن وياك
يا حيدر

يا أصل الطيب والمنبع
إلك أوصاف - البشر ما شاف
مثل معناك يا الأنزع
شمس لولاك ما تسطع
ولا أفلاك - جرت لولاك
بهائك نور يتوزع
عجيبة شلون بالمضجع
تظل مدفون - ويظل هالكون
عليك يجود بالمدمع
عليك العين ما تهجع
سهر وهموم - دمعها دموم
جمر فرگاك يتلفع
لهيب الروح يتوجر - الدمع بركان يتفجر
وأمل دنياك - إندفن وياك
يا حيدر

يا بحر الجود وإحسانه ما نشفاك
أهيم بعالم أوصافك من أشفاك
جمال الكون تكوينه من شفاك
والفردوس من وجهك زهية

3- كل ما نوقف بالمحراب من شريط الرزايا

كل ما نوگف بمحراب - نذكر نورك إلي غاب
والأنظار - تجدح نار - لأجل الثار
يا كرار حيدر

يا حيدر شيعتك إحنه نصيح بلهفة وبحسرة
مواگد بينه تتسجر إلك يا والد العترة
بينه طبرتك تركت ألف طعنة وألف جمرة
وثارك يستعر بينه مثل ما تسعر الجمرة
إحنه شيعتك ننعاك - يا ريت إندفنه وياك
بحزن الروح - دمع النوح - ظل مسفوح
ليل نهار حيدر

بكل محراب من نوگف نذكر لوعة مصابك
ونذكر من طحت دامي وعليك ينوح محرابك
نكابر عالحزن ونصيح يا من صار الدمه خضابك
منهو إلمسح دم راسك ومنهو إلضمد صوابك
وبهالطبرة يا ضرغام - طبروا هامة الإسلام
عين الكون - تغفى شلون - يا المرهون
للأقدار حيدر

غبار الفاجعة تناثر حزن والعالم تغبر
حزين وبالسمى السابع هتف صوت الوحي وكبر
سمعنه الهاتف ينادي إنطبر راس الوصي حيدر
عجيبة تموت يا فارس بدر والخندق وخيبر
وشلون الأجل أرداك - يا سيف النبي الفتاك
كلها تگول - مو معقول - هالمچتول
حامي الجار حيدر

إنت الغالي يا أول إمام وشيعتك إحنه
مصابك عايش ويانه ولا لحظة يبارحنه
بعد منهو الذي يبدد هضمنه بشدة لو طحنه
مثل نوح الثكالة تنوح مهجنه وبالحزن صحنه
لا هب النسيم إلهاب - من بعدك يا داحي الباب
يومك يوم - كله هموم - بينه تدوم
هالأكدار حيدر

على فراگك سكن بينه الكدر وهموم لوعتنه
سواد الليل ظل ينعى ويواسينه بمصيبتنه
جمر تنثر نواظرنه عليك بدال دمعتنا
مثل دم جرحك إليجري غدت دم تجري عبرتنه
وشلون الجفن أخفاك - وتراب الگبر واراك
نحني ضلوع - نجري دموع - چم مفجوع
ظل محتار حيدر

يمن رب العرض حجة وخليفة للنبي إختارك
مشاعل فگدك إستعرت ولا تخمد بعد نارك
بواتر هذه مشحوذة يمن قائدها بتارك
لون هالدنيا نفنيها فلا نوفي طلب ثارك
دمك يا دمه يساويه - ويا ثار الذي يجازيه
ما ساواه - لا والله - ما ننساه
مهما صار حيدر

ثارك عايش ويانه يصبحنه ويمسينه
ومن يسفر شهر رمضان يذكرنه بمآسينه
نصوم ونذكر صيامك إلما تمم ثلاثينه
يا ليلة واحد وعشرين ذوت نار الحزن بينه
كل ما نصطحف آيات - ويانه تهل عبرات
بالأحزان - والأشجان - ثارك حان
يا مغوار حيدر

4 - آنه زينب يالعفتني من شريط الرزايا

آنه زينب يل عفتني - بويه عگبك يتمتني
شحسبت من ودعتني

يا علي آنه العقيلة بالمصايب دمعي جاري
من غبت عني يا حيدر طول عليك إنتظاري
سابحة عيوني على دربك وأنتظر ليلي ونهاري
بگلبي ناري بعيني دمعي ومزجت دمعي ويا ناري
بالنوايب هيمتني - للمصايب سلمتني
شحسبت من ودعتني

بالأمس يا بويه روحي تصوبت بمصيبة أمي
اليوم صوبني زماني بفرگتك وإزداد همي
صرت يا بويه يتيمة والمصايب كلها يمي
هجمت أشباح المناية وهدمت حيلي ويا عزمي
بالمصيبة صدعتني - بويه لمن ضيعتني
شحسبت من ودعتني

يا علي وچلمة أبوة چنه نسمع من لسانك
والزمان حرمنه منها وسفة يل خانك زمانك
لچن الحال إلفجعني من شفت خالي مچانك
عرفت يا بويه حرمتني العاطفة ولهفة حنانك
بلوعة الهم لوعتني - وبمغيبك خيبتني
وشحسبت من ودعتني

راحت أيام المعزة وگابلت سود الليالي
أذكر أيامي إلعشتها بعطفك وعزة دلالي
تالي لن دارك شفتها وحشة والمحراب خالي
هذا لا واقع أگوله ولا أحسبه من خيالي
هيجتني وسهرتني - بالمصايب صوبتني

يا علي ودعتك الله يا فخر تاج الغوالب
توسد بگبرك يا بويه وآنه أبگىويا النوايب
ليلة فراگك رهيبة يل صرت عن عيني غايب
تحيرت مدري أجابل لو أسلم للمصايب
تلوعت يل دوهنتني - وإنت وحدك روعتني
وشحسبت من ودعتني


5 - مجروح قلب المختار من شريط الرزايا

يصب دمعي ولا ينشف مصبه
دليلي غير سهم الهم ما صابه
أنوح على الحسن وأذكر مصابه
وأضمد بالدمع ناري السرية



مجروح گلب المختار - ويسيل دمع الكرار
والزهرة تبچي دموم - تنحب على المسموم

ملامح للحزن ظهرت تلوج بكل جفن عبرة
على مصاب الحسن هاليوم ينوح العالم بأسره
مصيبة وتبدي من جبريل لرسول الله أبو العترة
لروح المرتضى الكرار لمهجة فاطمة الزهرة
هاليوم يوم الأحزان - وتنوح كل الأكوان
والدنيا كلها هموم - تنحب على المسموم

عصف ريح والهم غبار الظيم يتنثر
ظلام يغطي دنيانه إنعكس وتبدل المظهر
إنفطر چبد الحسن لچن چبد النبي تفطر
رسول الله إنخطف وجهه بمصيبة شبله وتغير
ما بين لوعات الروح - ما بين گلبه المجروح
روح النبوة تحوم - تنحب على المسموم

من كل جانب ومن كل صوب صريخ النايبة تسمع
لهيب المحنة يتواگد بصميم الفارس الأنزع
مو چبد الحسن هذا چبد المرتضى تگطع
ومو دم چبدته إليجري جفن حيدر جرى المدمع
أمواج ظيم وعبرات - وتسيل فوگ الوجنات
بيها الحزن مرسوم - تنحب على المسموم

مصيبة وفجعت الزهرة وغدت تجري المدامع دم
إجن يمها إليواسنها حوا وهاجر ومريم
مصاب الحسن ذكرها بضلعها لمن تهشم
مثل چبد الحسن أمه چبدها الطاهر تخذم
هاليوم صارن كسرين - بالروح شبت نارين
هاي أم ضلع مهشوم - تنحب على المسموم

بمشارف يثرب الليلة طلع ناعي الحزن ينعى
وإجتمعوا رسول الله وعلي والطاهرة البضعة
وبدار الوحي هاليوم كل الرسل مجتمعة
ولا ينسمع منهم صوت غير الشهگة والدمعة
آلام تتبع آلام - ونشوف سود الأعلام
كل الرسل هاليوم - تنحب على المسموم

توجه سيد الأكوان للزهرة ويصد ليها
على مصاب الحسن صارت تواسيه ويواسيها
إلتفتوا لن علي وياهم مدامع ظيم يجريها
وكل منهم غدى بگلبه سعير الجمرة يخفيها
جبريل ينظر هالحال - ويسيل دمعه الهمال
كل دمعة منه هموم - تنحب على المسموم

أشد ما عالنبي وأعظم مصيبة إلخلفت آلام
من شاف الحسن نعشه تحيطه زمرة الظلام
ما شايف نعش گبله يتولوه العدى بسهام
هذه حالة الدنيا وهذه غدرة الأيام
مسموم بحر الإحسان - والكون نوح وأشجان
كل ثاكلة ومحروم - تنحب على المسموم

6 - الرأس المقطوع من شريط نوح ودمع


الرأس المقطوع - في رمحٍ مرفوع
بلا ذنبِ - قضى نحبي
الرأس المقطوع

يا أبو الحملة هاليلة من جوف النحر أروي لك أخبار
چنِت يمي ريتك يا بوية بكربلاء و تعاين اشصار
إلك أبدي و أشرح مصاب اللي سِدَر يا حامي الجار
صرت وحدي و انتهت بالطف يا علي أهلي و الأنصار
جيشٌ كالأشباح - جاءوا بالأرماح
لدى الحربِ - قضى نحبي
الرأس المقطوع

بأشد حالة بالخيمة ودعت الحَرَم من بعد الأطفال
رحت آييس أتعثر بهمي و مصابي و قسوة الحال
شفت عسكر داروا عَلَي من كل كِتِر أشباه الرجال
بجمع حاشد متشرعة رماح الحَتِف و سيوف الآجال
جاءت مثل السيل - أمواجٌ من خيل
و بالضربِ - قضى نحبي
الرأس المقطوع

الحرب دارت و استوحدوني من بعد أهلي يا ضرغام
انفُضخ راسي بذاك الحجر يا أبا الحسن وتصوب الهام
نزف دمي و على الجسم مثل المطر تتهدف سهام
و المثلث گطَّع دليلي و كابدت بالرمية آلام
ذا سهمُ الأوثان - في قلب القرآن
رمى قلبي - قضى نحبي
الرأس المقطوع

وگع جسمي بالمصرع و من عالبُعُد تترقب الناس
گرب موتي و آنةه أعالج عالأرق وبآخر أنفاس
الشمر جاني ثنّى على صدري بركبته و على الصدر داس
لِزَم شيبي و ابتدى يحِز نحري وفصل عن جثتي الراس
رأسي في العسّال - جسمي فوق رمال
على الترب - قضى نحبي
الرأس المقطوع

إنگطع نحري راسي إنحمل فوگ الرمح ويگطر دموم
و عقب چتلي ظل جسمي مرمي على الترب وتحاوطه الگوم
بحوافرها داست علي خيل العدى ولن صدري مهشوم
و على المذبح مو دم نزف من رگبتي تتنازف دموم
ملقاً في البيداء - ظامٍ جنب الماء
وبالخطب - قضى نحبي
الرأس المقطوع


يتبع ...
__________________
شيعتي في كل واد البسوا ثوب السواد وأعلنوا يوم الحداد قد جاء محرم ياعباد يالثارت الحسين
رد مع اقتباس
  #2  
قديم 12-30-2006, 1:46 am
شيرازية شيرازية غير متصل
 
تاريخ التسجيل: Jun 2006
المشاركات: 447
افتراضي

[align=center]7- هاي امي لربتني من شريط نوح ودمع



هاي أمي إلربتني - ولهذا الموقف رادتني
بالمدمع نادتني - وياك أستشهد وصتني
حان الموعد - خل أستشهد

هذي مفاوس كربلا و هاي الحرب يا عمي
هذي وصية والدي وشجعتني نخوة أمي
مهموم و ادري التضحية تكشف سحابة همي
تتناثر أزهار الفرح حين يتناثر جسمي
مو وگت شمعة و لا عرس وگت إنتصاري و عزمي
وأمضت الصارم شمعتي و الحنة تصبح دمي
من أوگع بالمصرع - أوفي كل حگوگ المرضع
و لأمي إلرضعتني - وياك أستشهد و صتني
حان الموعد - خل استشهد

خيل و زِلِم من كل كتر وسط الحرب مجموعة
وادم إجت للمعركة لأتعس هدف مدفوعة
بيض الهنادي ملوَّحة هاي السُمُر مشروعة
يا عمي إرخصني اطب و أخمد سعير اللوعة
هالساعة مو ساعة شمع للعرس طفوا شموعه
چفن أمي عاهد لو متت يحبس مسيل دموعه
و الواعي بتفكيره - يتمسك بأعراف الغيرة
و الغيرة دفعتني - وياك أستشهد و صتني
حان الموعد - خل أستشهد

يا حسين يا عمي و أظن ترخصني لو ردت أطلع
هزَّتني لأجلك غيرتي و للذبح نحري تتطوع
لهالساعة ذاخرني الحسن هذه و صيته و تسمع
ناداني لو عمك يظل وحدة و يشع المفزع
ضحي له يبني برگبتك و عن مبدأك لا ترجع
واعدني يحضر والدي لو طحت وسط المصرع
عاهدته و عاهدني - أبرز و بعينه يشاهدني
و عهوده إلشجعتني - و ياك أستشهد وصتني
حان الموعد - خل أستشهد

يا حسين يا عمي و بعد شنتظر شنهو التالي
وحديتك بالطف هدَّمت حيلي و تغيَّر حالي
خليني أبرز للوغى و يسفر شعاع هلالي
و لو مانعتني من الحرب تصدع ركن آمالي
شلون أصبر و شبلك علي طايح صريع گبالي
دم إبنك ارخصته شتظن دم إبن أخوك الغالي
خل أبرز للعسكر - آخذ منهم ثار الأكبر
و الحالة إلهضمتني - وياك استشهد وصتني
حان الموعد - خل أستشهد

جاوبه حسين بدمعته غيِّر يا جاسم فكرك
بعدك بزهرة دنيتك شنهو إلشِفِت من عمرك
بأول شبابك مارِدِت كربلاء تغِّيب بدرك
بيك أنظر أوصاف الحسن لمَّن عيوني تنظرك
منهو إليصبر الوالدة لو شاهدت دم نحرك
شلون أرجع لخيامي - و الأكبر طايح قدامي
و أمي إلي بعثتني - وياك أستشهد و صتني
حان الموعد - خل أستشهد

جاوبه جاسم يالگلت أگصد يا جاسم لأمك
هي إلدعتني لنصرتك گالت لي أنصر عمك
گالت يا جاسم لا ترد خوض المناية بعزمك
خليني أنظر بالحرب يم جسم الأكبر جسمك
و گالت لي روح لفاطمة صوغة إخذ من دمك
و الزهرة من دار الخِلِد ظلت تردد بإسمك
عالمذبح دلتني - وياك استشهد و صتني
حان الموعد - خل أستشهد


8- حضر بالطف من شريط نوح ودمع

حضر بالطف رسول الله وتحير - فگد جاسم أشد لو فگد الأكبر
يدير العين هادينه - فگد بدرين هادينه
فگد جاسم أشد لو فگد الأكبر

حضر بالفاجعة الهادي - حزين بلوعته ينادي
إجيت أرد أحضر أولادي - وگعد بين الجثث ينحب
تفجر سيل عبراته - حفر بدموعه وجناته
زفير النار حسراته - ضميره بالحزن يلهب
گعد للأكبر ينظره - يشوف بهامته الطبرة
ويصد لجاسم بعبرة - يشوفه بالدمه مخضب
يحاچيهم وهم عالغبرة صرعى - غدى عليهم دمعة على دمعة
يتوجه وين هادينه - فگد بدرين هادينه

حضن جثة علي الأكبر - يگله يبني ما أگدر
أشوفك بالدمه معفر - دهتني مصيبتك يا بني
كلف يا الأكبر مصابك - صريع وبالدمه خضابك
يمينه إنشلت إلصابك - تراه بگلبي صوبني
من أشوفن وجهك الدامي - تهيج لوعة آلامي
شباب وتنذبح ظامي - شعلامك ما تجاوبني
حنى ضلوعه ويشم طبرة جبينه - يذوب الصخرة من جمرة ونينه
ولاه البين هادينه - فگد بدرين هادينه

گعد يم جاسم يشمه - حنى ضلوع الصبر يمه
ويخضب شيبته بدمه - يگله يا بني يا جاسم
إجيت أمسح ترب خدك - وأضمد بالدمع چبدك
شجرى لك يا بعد جدك - يا ريحانة بني هاشم
يا ضي إلبيه تصد عيني - على دربي يدليني
شجرى لك ما تحاچيني - وتنشف مدمعي الساچم
تغض وسفة يا جاسم عن جوابي - يعل لأجلك جرح لوعة مصابي
حمل جرحين هادينه - فگد بدرين هادينه

إلتفت للأكبر بونه - شطر مجرى الدمع منه
يگله بيش اهيدنه - جرح چبدي إليسافح دم
وإنت يا علي يمي - أشوفنك جسم مرمي
يصب من منحرك دمي - مو هو جسمي الذي تخذم
يا نجمة من السمه طاحت - يا دمعة من الجفن ساحت
شكثر روحي إلك ناحت - وما تسمع بواچي الهم
سهم فگدك شعب گلبي ورماني - حزن جاسم مثل حزنك دهاني
إنرمى بسهمين هادينه - فگد بدرينه هادينه

يا جاسم يا هوى إليسري - شفت دم رگبتك يجري
توجيت بجبل صبري - يا ضي عيني إلأصد بيها
لزفافك جيت يا عيدي - جبت لك شمعتك بيدي
بعد ما أدري يا وليدي - هوى العاصف يطفيها
علگتها بجمرة الدمعة - شلتها بروح منفجعة
يا جاسم گوم هالشمعة - على گبر الحسن خليها
يمن فگدك عصف ريح المصايب - سواج الهم طفح غيض النوايب
إنفجع بإثنين هادينه - فگد بدرين هادينه

إلتفت للأكبر يگله - عليك الحزن ما أمله
البيابي مدمع تهله - على أبوك إلي بگى وحده
أبوك حسين يا الأكبر - وحيد وحاطته العسكر
رعاك الله لون تگدر - تگوم العسكر ترده
من اشوفنه يهب نوحي - ويهيج ساكن جروحي
يا الأكبر هاك إخذ روحي - وأنهض للعزم شده
النبوة إنصابت لحال الإمامة - مصيبة والفلك غير نظامه
حزن لحسين هادينه - فگد بدرين هادينه

على جاسم روحه مهمومة - گعد يتمثل رسومه
يگله دونك الحومة - يا ريتك تنظر وتسمع
وتگوم لعمك تشوفه - عليه الجيش بصفوفه
هجم وملوح سيوفه - وعليه رماح تتشرع
وسف يخفي الأجل ونك - جواب أرجى صرت منك
أظن يا بن الحسن چنك - هنت لك نومة المصرع
يمن عرسك صبح عرس المنية - إلك طابت رمال الغاضرية
إله مصابين هادينه - فگد بدرين هادينه


9- والله لن انساك يا كربلاء من شريط كربلاء

و اللهِ لن أنساكِ يا كربلا - لو قطعوني مفصلاً مفصلا
شّرفكِ رب العُلا كربلاء - والقلبُ مشتاقٌ إلى كربلا

القلب هام و تفطر - بربوع الطف تأثر - ترى الجنة تراها
الوصف بيها تحير - صفت للدنيه محور - بجلالتها و علاها
لون جسمي توذر - بهوى العاصف تنثر - فلا أترك هواها
الحزن منها تفجر - غدت للمحنة مصدر - دمع زينب سگاها
أرضٌ سقتها الأعينُ الهمّعُ - و فوقها خيرُ الورى صرعوا
تسمو على كل الفلا كربلا

أرض و الرب جعلها - شرف للدنيه كلها - مناجم للبطولة
الغبار أصبح كحلها - مسيل الدم حجلها - تغازلها الرجولة
الوحي نصّب كللها - بجنح شوگه إعتنى إلها - جعل عليها نزوله
نقدسها و نجلها - و لا يعرف فضلها - سوى الباري و رسوله
أثوابها قد فصلت بالدماء - و أرضها مرسومةٌ بالسماء
فأصبحت أرض الولى كربلا

أرض همه و إرادة - بطولات و شهادة - عجز كلمن وصفها
المشي عليها عبادة - مجدها الباري شاده - رفع ذروة شرفها
بلطف ذاته ووداده - جعل إلها الريادة - و على الجنة يزفها
بأكاليل السعادة - و جلابيب السيادة - ملايكته تحفها
ما من نبي جاء أو مرسلِ - إلا أتى بالأدمع الهمّلِ
يبكي لما يجري على كربلا

أرض و الرب يعدها - مثل جنة خلدها - مرابعها الأمينة
و أبو اليمة رصدها - رصد ذروة مجدها - تعناها بضعينه
أخذ گومه و گصدها - بضعن هاشم وردها - و تعنه من المدينة
نزل و أطنابه شدها - جعل موضع عمدها - بالنفوس الحزينة
أرضٌ بها حلت رجال الصفا - و إختارها ريحانةُ المصطفى
للسبطِ أصبحت منزلا كربلا

بلطف رب الجلالة - صفت أرض العدالة - مواطن للعقيدة
حوت أشرف سلالة - أهل بيت الرسالة - بمواقفها المجيدة
أبو اليمه و رجاله - علن بيها نضاله - كتب بالدم رصيده
دخل ساحة قتاله - بوفه و همة و بسالة - و سگاها بدم وريده
لولا حسينٌ لم تكن أرضها - إلا فلاتاً مقفرُ روضُها
للناس أضحت موئلا كربلا

لون سائل سألنه - نواظرنا و مقلنه - تظل تشبح عليها
بسواها ما قبلنه - گبل چانت عللنه - تطيب و تشفى بيها
صفت غاية أملنه - گبل ساعة أجلنه - نرد كل إحنه ليها
نذرنا لو وصلنه - بمواكبه و شملنه - زحف كلنا نجيها
من أجلها أرضى بأن أُقتلا - و هكذا الحب و إلا فلا
أنا الغريبُ المبتلى كربلا

11- عشاق الحسين من شريط كربلاء
عشاقُ الحسين – عشاقُ الحسين
خُد يا سيدي عهد الوفا والله يشهد

يبن المصطفى والمرتضى يبن الوِديعة - أمك فاطمة يوم الحشر إلنه شفيعة
أمرك كل وكّت يا سيدي واجب نطيعه - لو تطلب دمه بلايه ثمن دمنه نبيعه
يبن الخيرتيـن - عشاق الحسين

هذا الحب إلك من المهد يِمشي بدمانه - عشاگك لعد هذا العشگ ربك دعانه
يا نور العرش نكشف إلك كل محتوانه - يبن الطاهرة نورك يظل يزهي بسمانه
نورُ الفرقدين - عشاق الحسين

عنك سيدي ما نبتعد نمشي على دربك - مو حب عاطفة حب معرفة ووصانه ربك
يا الإسمك شرف وعلى الگلب بالدم نكتبك - حتى بالذبح من ننذبح نصرخ نحبـك
عند الحالتين -عشاق الحسين

لأهل المعتقد يا سيدي حبك عقيدة - من هاي البشر غيرك أبد لا مانريده
ما غيرك صمد وعلى الذبح قدم وريده - غيرك بالبشر يا سيدي مانصافح ايده
منذ النشأتين - عشاق الحسين

مجنون العقل بمحبِتك حبك عبادة - مثلك سيدي نتسابق بدرب الشهادة
نتحدى البشر كلها بعزمنا والإرادة - قائدنا وإلك يبن النبي تحلى القيادة
نكتُب كلمتين - عشاقُ الحسين

12- من العين من شريط كربلاء

يحسين من العين حبك ينبع مجراه
بكل بيت خطيت إسمك يا ثار الله
بالخواطر - بالضماير - بالمشاعر
إسمك يا ثار الله

من بدت ساعة حياتي وإبتدت لحظات عمري
شفتك تعيش بكياني حُبك إبشرياني يجري
عالأرض خطوة على خطوة محبتك ويايه تسري
ماغبت عن فكري لحظة بكل وكت إنت على فكري
حبيت - حسيت - أگرب من ضي عيناي
أهواك - وألگاك - بكل لحظة تعيش وياي
بيك أفاخر - و إنت صاير - بالمشاعر
إسمك يا ثار الله

جلت الخالق صفاته إلشيدت بنيان مجدك
حبك إتملك شعوري ومهجتي لاذت بسدك
إنت مجمل كل حياتي ولا حياة بغير ودك
وإنت مركز للمشاعر ملتقى الأرواح عندك
مگطوع - مرفوع - راسك يبن الكرار
هالراس - للناس - كوكب يهدي الأبصار
نوره زاهر - للبصاير - بالمشاعر
إسمك يا ثار الله

إسمك بطارف لساني ورسمك بدلالي غافي
المحكمة بحبك خذوني وآنه بأحضان المنافي
وبقلم إيمان گلبي وقعت فوگ إعترافي
وأعترف لو ما وجودك ما نزل وحي القوافي
أفكار - وأشعار - منك وحي الإلهام
وأبيات - هيهات - توصفك يا بدر التام
آله ثاير - دمه فاير - بالمشاعر
إسمك يا ثار الله

سرك السر الإلهي وما گدر واحد يعرفه
أنظر الشمس بجبينك لو شمس دنيايه تغفى
حبك تملك شعوري وبالشعر أعجز أوصفه
إنت إلهام القوافي وللشعر إسمك يشرفه
يكفيك - باريك - كاتب إسمك عاللوح
محبوب - ومكتوب - حبك بأعماق الروح
بيك أجاهر - وإنت حاضر - بالمشاعر
إسمك يا ثار الله

لا بشر يگدر يوصفك و لا ملك يعرف صفاتك
وصارم إلي حز وريدك فتح بوابة حياتك
تميزت عالناس كلها بمعجزة من معجزاتك
إنت أول بشر أصبح مولدك ساعة مماتك
للثار - أنهار - تتفايض من كل عين
مظلوم - يا يوم - يحصل ثارك يحسين
گلبي شاجر - فكري حاير - بالمشاعر
إسمك يا ثار الله


13- كربلائي أنا من شريط كربلاء

كربلائيٌ أنا - كربلائيٌ أنا
بّل حسينيٌٌ أنا - بل حسينيٌ أنا
كل صوتٍ من فمي - لحسينٍ ينتمي
بل حسينيٌ أنا

بين الأصلاب النزيهة توجهت للنشأتين - عالم لعالم نقلني وإفتحت للدنيا عين
بكل محطة من حياتي أنسأل موطنك وين - كربلائي والهوية موقعة بدم الحسين
بات سِــرٌ ينطوي - بات سِــرٌ ينطوي
للولاءِ العلوي - للولاءِ العلوي
وكياني ودمي - لحسينٍ ينتمي
بل حسينيٌ أنا

حب أبو الأكبر جذبني بغير حبه ما رضيت - هو روحي و هو ذاتي هو درب إلبيه مشيت
لا يساري ولا يميني بس لبو اليمه إنتميت - هو ينبوع الهداية من عذب ماي إرتويت
لا تقل عن سرهِ - لا تقل عن سرهِ
قطرةٌ في بحرهِ - قطرةٌ في بحرهِ
كل سرٍ مبهمِ - لحسينٍ ينتمي
بل حسينيٌ أنا

مثل ما أنزل الباري بمكة آيات الكتاب - بكربلا المصحف الناطق نزله بأفصح خطاب
وآنه يكفيني إنتسابي لأطهر وأشرف تراب - كربلائي وإفتخاري شرف هذا الإنتساب
صرخةٌ نحو العُلا - صرخةٌ نحو العُلا
ترجمتها كربلاء - ترجمتها كربلاء
كل حُرٍ مسلمِ - لحسينٍ ينتمي
بل حسينيٌ أنا

يا لسان الناس إسكت وإحجي يا لسان الجراح - لا ترفعون النواصي حسين راسه على الرماح
الناس تبچي بالمدامع وآنه أبچي بالصفاح - فوگ سرج المهر أنصب مأتم بسور الكفاح
كُل أطياب الدُنى - كُل أطياب الدُنى
مزقوها بالقنا - مزقوها بالقنا
كُل ما في العالمِ - لحسينٍ ينتمي
بل حسينيٌ أنا

حسين حين إنفتح جرحه إنفتحت أبواب الخلود - سلمه المعبود بالطف سر مفاتيح الوجود
كربلا حسين إرتضاها مسجد وصار السجود - بين طعنات العوالي و بين خفگات البنود
سر أصحاب العبا - سر أصحاب العبا
أحدقت بيه الضبا - أحدقت بيه الضبا
كل فذٍٍ ملهمِ – لحسينٍ ينتمي
بل حسينيٌ أنا


يتيع إن شاء الله [/align]
__________________
شيعتي في كل واد البسوا ثوب السواد وأعلنوا يوم الحداد قد جاء محرم ياعباد يالثارت الحسين
رد مع اقتباس
  #3  
قديم 01-01-2007, 8:01 pm
شيرازية شيرازية غير متصل
 
تاريخ التسجيل: Jun 2006
المشاركات: 447
افتراضي

[align=center]اللهم صل على محمد وآل محمد وعجل فرجهم وأهلك أعدائهم
السلام عليكم ورحمة الله وبركاته
بسم الله الرحمن الرحيم

«®°·.¸.•°°·.¸¸.•°°·.¸.•°®»تابع : قصائد بقلم الاسطورة الإمبراطور الشاعر الإديب جابر الكاظمي ...«®°·.¸.•°°·.¸¸.•°°·.¸.•°®»

14- يا شيعتي من شريط قوس السماء

.. يا شيعتي ..


ياشيعتي رغم عداي وگت العطش ذكروني - كلما تشربون الماي وگت العطش ذكروني

ياشيعتي وگت الشرب ذكروني دلالي ظامي - عدواني من ماي العذب حرموني حرمو ايتامي
أنا الذبيح ابلا ذنب سلبوني والجسم دامي -دمع الحزن والأشجان يا شيعه لا تنسوني
أنا الغريب العطشان وگت العطش ذكروني

يا شيعتي نار العطش بين احشاي تلهب وتسري - گلبي انخمش فكري اندهش من دنياي وليدري يدري
فوگ الترب خدي انفرش خيل اعداي هشمت صدري - يا شيعتي ابجرد الخيل عگب الچتل سحگوني
جمر العطش هد الحيل وگت العطش ذكروني

شيعتي ولو يوم انفگد منكم شاب عنكم تأخر - ذكروني من شفت الولد جسمه انصاب و بالدم تعفر
غابت الروح من الجسد لمن غاب عن عيني الاكبر - لفراگ الاكبر ما لوم ونخمد نور عيوني
انا الوحيد المظلوم وگت العطش ذكروني

اليفگد عضيدة وبي غدر هضم البين جور الفجيعه - خل يذكر امصاب الگمر والچفين ظلت گطيعه

بين العدا وسهم الغدر صاب العين يم الشريعه - حيلي انهدم عالعباس خابت عليه اظنوني
بفيض المدامع يا ناس وگت العطش ذكروني

لو شفتو عريس انفجع والاحزان زيدت همه - ذكروه ابجاسم من وگع عالتربان والحنه دمه
تالي العرس نحره انگطع والعدوان وذرة جسمه - ابدال العرس دمه يسيح ومصابه غير لوني
چني سمعت صوته يصيح وگت العطش ذكروني

شيعتي ولو منكم طفل گلبه يذوب وينگطع نحره - يذكر رضيعي المنقتل ابلايه ذنوب وبگلبه جمره
عبد الله نحره منفصل وعلى المصيوب نسچب العبرة - ابعيني شفت طفلي انصاب ياشيعه لا تلوموني
چبدي إنفجع گلبي ذاب وگت العطش ذكروني

لو شفتو عيله محيره والايام جارة عليها - اتذكرو عيالي اميسره بدرب الشام وغدرو بيها

والحرم مدمعها جره على الايتام وميسريها - وتنادي زينب بدموع منهو اليشد ظعوني
جاوبها راسي المگطوع وگت العطش ذكروني


15 - طفلة وشفت حيدر جدي من شريط قوس السماء

طــفـــلــة و شــفــت حــيـدر جدي - مـــن أرض الـنجف حاضر عندي
و يــگـلــي كــل اهـلــچ مــيــتــين - يــا طــفــلــة إلــمـــن تـــنــتـظرين
امــن ارض الـنجف حاضر عندي

مــن عــيــني حوض الكوثر يصب أنهار
گـلــبـــي جــهــنــم بــالــحــزن يـلـفح نار
بــهــالــحــالـه جـيت گعدت يم باب الدار
أتــرجـــه مــن الأهــل تــوصــل أخــبـار
مــا شـــوف لـــن فــارس إجه يثير غبار
لــمـــن وصــل لــن شــفــته جدي الكرار
بــنــظــراتــه ظــل يــتــأمــلــنــي - يــمــســح دمــعــتــي و يـسـألــنـي
لــيــش الــدمــع عــيـــنــچ تجريـن - يــا طــفــلــة إلــمـــن تـــنــتـظرين
مــن ارض الـنجف حاضر عندي

يــحــاچــيــنــي و بــوجـهه الحزن يتستر
و بــصـــخـــرة عــيــونــه الـدمع يتكسر
و يــگـــول عــن وجـهچ عسه بعيد الشر
تــعـــرفــيــنـي منهو و ليش گاطع هالبر
يــــا طـفـلـة جــدچ آنــــه جـــدچ حــيــدر
أحــضـــر الــشــده شـلون إلچ ما أحضر
للــشــده أحــضـــر مـــن يـــومــي - جــيــت و أنــشـــدچ بــهــمـــومـي
مـذهــولــة لــيـش و تــلــتـــفــتـين - يــا طــفــلــة الــمـــن تـــنــتـظرين
مــن ارض الـنجف حاضر عندي

يــا طـــفـــلـــة جـايـب لچ خبر ما ينصاح
يــخـــلــي الــدمــع مــن نـاظرچ دم يطفح
بـمـسـحـة عـطف بيدي عله راسچ أمسح
مــن مــســحــة ايـدي هـالـخـبـر يـتوضح
بالطف هـلــچ ظــلــت دمــاهــم تــســفــح
و كـــل جــســد من عندهم صريع ابمذبح

جــســوم إخـوتـچ بـالطف صرعه - شــتــنــفـــع بــعــد هــاي الـدمـعه
و بــكــســرة الـخـاطـر تـبـچــيــن - يــا طــفــلــة الــمـــن تـــنــتـظرين
مــن ارض الـنجف حاضر عندي

يا طـفـلـة بالطف گضت كــل الــفــتــيــان
أولاد عــمــچ و إخــوتـــچ بـــالــمـــيـــدان
صرعه و عليهم يسـفــي ذاري التربــــان
حــتــى أعـــمـــامــچ إلــهــا الـمـگدر حان
هـــذا ذبــيـــح بـــلا غــســل بــلا أچفان
وذاك على جرف المشرعة بلا ذرعـــان
طـــول إنـــتــظــارچ مـــا يـــنـفــع - و انــتــي عــلــه نــارچ و الـمدمع
تــتـــلـــفــــتــيـــن يـسـار ايــمـيـن - يــا طــفــلــة الــمـــن تـــنــتـظرين
مــن ارض الـنجف حاضر عندي

جــاوبــتــه و بـصـدري إنـحدر سيل الهم
لا شـــك دلــيــلــي عــلـــه الأهــل يـتـألم
لچـــن يــهـــون مــصــابـها و سفك الدم
لا زال أبــويــه احـسـيـن حـي مـا أهــتــم
جـــاوبــنــي جـــدي جــســم أبـوچ اتـخذم
صـــدره بــحـــوافـــر خــيــل أميه اتهشم
بـــالـــحـــافـــر الــعــســكــر داسه - فـــوگ الـــرمـــح شــالـــوا راســه
و عـــالــغــبــره جسمه بلا تچفيـن - يــا طــفــلــة الــمـــن تـــنــتـظرين
مــن ارض الـنجف حاضر عندي

من كل هلچ يـا طــفـــلــة واحـــد ما ظــل
إلـــمــــن بــعــد قــلــبـــچ يــظــل يــتأمل
لازم ضـــمـــيـــرچ لــلــغــصـص يتحمل
و تــتــصــبــريــن على المصاب إلي حل
رب الــجــلالــة بــحــــالــــتـــچ يـتـكـفل
بــشـــر الــصــابــر بــالــكـتــاب الـمنزل
جـــاوبــتـــه صــوتــك صــبــرني - لچـــن ســــؤالــــك حــيــــرنــــي
و يـــظـــل يـــراودنــي بـكل حين - يــا طــفــلــة الــمـــن تـــنــتـظرين
مــن ارض الـنجف حاضر عندي

من ارض النجف يا جدي من گبرك جيت
بــمـــوت الأهل وش هالخبر إلبيه وافيت
شمعة البيت إنــطــفـــت و أنــحـب ظليت
يحرم عليه إن چـــان أطــب هـــذا الــبيت
چــنــت أنــتــظــر أهــلــي تـرد و تمنيت
صــرت أنــتــظـر موتي و أموتن يا ريت
دمـــعـــة حـــــزن عـيـنـي تــهلها - و أحــچــي ويــه روحـي و أسألها
غـــيــر الأجـــل عـكب الـطـيـبـين - يــا طــفــلــة الــمـــن تـــنــتـظرين
مــن ارض الـنجف حاضر عندي


16- قوس السماء من شريط قوس السماء

طفح الدمع وقال - أنت قوس أم هلال
لست أدري أشعاع جاء منك أم سهام
كلها قد نفذت بالطف في قلب الإمام
وهنا جاء السؤال - أنت قوس أم هلال ؟

مثل ما يفتح القاري بيده طيات الكتاب - شوفتك يا هلال تفتح بالگلب جرح العذاب
من أشوف أمواج نورك أشهگ بعلو السحاب - شهگة العطشان لمن ينظر أمواج السراب
يا هلالا ًفي الظهور - تملأ الدنيا ثبور
ليس في دنيا الرزايا يبعث الحزن سواك
ليت أمي لم تلدني ليت عيني لا تراك
وسؤالي لا يزال - أنت قوس أم هلال

من أشيل الماي بيدي چني واگف بالطفوف - تنرسم بالكاس صورة خيل ورماح وسيوف
شلون هذا الكاس يجمع جيش حاشد بالألوف - عجبة والأعجب لهيب الخيم وسط الماي أشوف
يا هلال ً وأراك - كنت في الطف هناك
توسع الأجساد رميا ً وهي في ذاك العراء
ليت شعري أنبال منك تأتي أم ضياء
فإذا كانت نبال - أنت قوس أم هلال

أرمي كاس الماي وأشرب دمعتي بكاس النياح - وأنتحب يا هلال وأصرخ صرخة بلسان الجراح
ريت گبل حسين جسمي تشچر بسمر الرماح - وريتها تصافح وريدي بكربله بيض الصفاح
أندب السبط القتيل - بنحيب وعويل
رأسه فوق العوالي جسمه في كربلاء
وسهام تتوالي منك يا قوس السماء
كيف أرديت الجمال - أنت قوس أم هلال

17 - إن قتلونا من شريط قوس السماء

إن قتلونا أو تركونا فالأمر موحد - دمنا قرر لن نتغير عن آل محمد
بكم نطقنا يا حسين - لكم خلقنا يا حسين

بارينه بالتطهير أنزل آيات - وأنتوا جعلكم اطهر المخلوقات
حبكم ينزه كل ضمير وكل ذات - يحسين وإحنه نعوف حبكم هيهات
إنتوا الشموس إلتجلي غيم النكبات - وإحنه الانصار نضحي يوم الكلفات
لا يغرينا لو اعطينا ملكوت الدنيا - لا نترككم إنا معكم سنموت ونحيا
فما افترقنا يا حسين- لكم خلقنا يا حسين

أهل البصيرة تفسر الحب ألوان - وتقول طبع الحب صفة بكل إنسان
واحد يحب عن عاطفة وبس لسان - وواحد يحب ناتج عقيدة وايمان
ولو فتشت أرواحنا والأبدان - تسمع نبض حبكم بدم الشريان
نحن نصارح هدف واضح دونك مغزاه - بولايتكم ومودتكم يأمرنا الله
لذا عشقنـــا يا حسين - لكم خلقنـــا يا حسيـن

بارينه حجة على البشر خلاكم - وإحنه بعقايد ثابتة نهواكم
إنتوا ينابيع العمر شفناكم - وإحنه الاراضي اليابسة لو لاكم
يحسين مثل الهوا إحتاجيناكم - ونموت لو لحظات فارقناكم
أنت حياتي تسكن ذاتي بل إنك اقرب - بإرادتنا بشهادتنا شوق نترقب
نحن صدقنـــا يا حسين - لكم خلقنا يا حسيــن

قرينا بكتاب الشوق يبن المختار - شفنا المحبة الحرة تطلب اعمار
عفنا الاهل عفنا الحراير والدار - جيناكم بشوق الزرع للامطار
شوق الحمايم من ترد للأوكار - بشوق الليالي المظلمة للاقمار
لو احرقنا او مزقنا بسيوف الغدر - حبك يشهد لن نتردد وخصومك تدري
بكم لحقنا يا حسين - لكم خلقنــا يا حسيـــن

انتوا الارواح واحنه يحسين جسوم - من غيركم صعبة العمر النه يدوم
انتوا شرايين القلب يا مظلوم - شلون القلب يتحرك بغير دموم
هالوادم تراب الارض وانتوا نجوم - بحبكم وطبع الحب ما يخاف اللوم
بضمائرنا ومناحرنا سنخط العهدا - لعقيدتنا نعطي دمنـــا ونحوز المجدا
بكم عتقنا يا حسين - لكم خلقنا يا حسين

گلب الي يحبكم يحمل أربع اوصاف - حب وإرادة ومعنوية وإنصاف
والي يهز گلبه رنين الاسياف - لا تعتقد يگدر يحقق اهداف
راعي الهدف يوم الشدايد ميخاف - يرخص حياته للقيم والاعراف
نحن نعاهد سوف نجاهد والعالم يسمع - قسما قسما نمضي قدما برحاب المصرع
نحن استبقنا يا حسين - لكم خلقنا يا حسين

نار المنايا عداك من تشعلها - برد وسلم بسيوفنه نحولها
كل رمية يرموك إحنه نستقبلها - وگبلك نخوض الملحمة وندخلها
وخيامكم كعبة بشرف نجعلها - شحده إليدوس حدودها ويوصلها
نحن نقابل كل مقاتل بصمود القلب - سوف نناضل ضد الباطل في سوح الحرب
دم نفقنا يا حسين - لكم خلقنا يا حسين

18 - كل قطرة دم بشرياني من شريط قوس السماء

كل گطرة دم بشرياني تهتف بإسمك يا حسين
روحي شلون تظل بجسمي من أذكر جسمك يا حسين
جسمي مو أغلى من جسمك - دمي مو أغلى من دمك

يا هالعايش على رموشي حلم كل لحظة يتجسم
سحر شوگك يا بو الأكبر يسايرني بخلايا الدم
جسد وأتمثلك كوكب أصد لجروحك أتوهم
أشوفن كل جرح منك ثغر للدنيا يتبسم
عجيبة تنذبح ظامي يلن كل عين إلك بلسم
والأعجب تنزف جروحك وإنت لكل جرح بلسم
دنيانه المشغوفة بحبك بيك إتغنت يا حسين
ومو بس العابس جنيته كلها إنجنت يا حسين
كلها تلهج غدت بإسمك - دمي مو أغلى من دمك

لون عابس وقف بالطف يصيح الشوق جنني
ملايين أصبحت مثله لونك عنها تسألني
عشاگة وكل فرد منهم غدى بعابس يذكرني
وكلمن أنشده يجاوب يگول حسين هيمني
وأنا بعالم لهيب الطف سيوف الهم يبارني
عجيبة يوذرن جسمك ولا مثلك يوذرني
شبهت جروحك بعيوني والدم يجري يا حسين
والحافر ما هشم صدرك هشم صدري يا حسين
وآنه ريت أنصرع يمك - دمي مو أغلى من دمك

حليف الهم كلف يگدر دليله بصبره يتورع
على مصابك يا بو اليمة وراعة گلبي ما تنفع
تريد أصبر بعد شصبر وأشوفك دامي بالمصرع
شتظن چفن المحب يغفى وحبيبه على الثرى مگطع
يا بو الأكبر لون يذبل نخبره بحالك ويسمع
يفتت كل صخر غيضه ويجود عليك بالمدمع
لو يسمع بمصابك يذبل چان إتفطر يا حسين
وشلون آنه العاشگ وأصبر بيش أتصبر يا حسين
وآنه همي بكثر همك - دمي مو أغلى من دمك

الحديد تلين لداوود عجيبة عليك يتصلب
ويصير سيوف ويگطع جسد فوگ الثرى مخضب
الشمس مو مر عليها الغيم بثياب الخجل تتحجب
شعجب ما غابت وجسمك تشوفه بكربله مترب
عجيبة الماي يظل يجري ولا عن خجل يتنضب
ويشوفك ظامي وبكتره دليلك بالعطش يلهب
بهذا الماي شلون أتهنى وگلبك ظامي يا حسين
شلون تنام الليلة عيوني وجسمك دامي يا حسين
بروحي وبدمي أخدمك - دمي مو أغلى من دمك

لون خيم علي ليلي بسواد العاشر أتذكر
صور عن ليلة العاشر أعيش وياها وأتحسر

أعانگ لچمة جروحي بفضاوة گلبي وأتصبر
ولا صحوة سمى بعيني تريضني يا بو الأكبر
سوادة ليلي ترسم لي وداعك ويا هالخدر
وأشد على الحزن حيلي لون خيط الفجر أسفر
بكل مصباح أتذكر يومك يوم العاشر يا حسين
بس موجات المدمع ترحم گلبي الشاجر يا حسين
دمعي دم يجري ويكلمك - دمي مو أغلى من دمك

صرت كل ما أصد للنار أذكر جمرة خيامك
لون أسمع طفل يبچي أنوحن وأذكر أيتامك
إذا مني عضو تألم أهيم بسچة آلامك
وإذا يومي يخالفني أون لمخالف أيامك
أنا وكل أهلي وأصحابي نذر لتراب أجدامك
يا غالي وأغلى من عمري رخيصة عيوني جدامك
روحي وجسمي وكل ما أملك بسمك صاحن يا حسين
وكل ذرات العالم مثلي لأجلك ناحن يا حسين
دمي لو تطلب أسلمك - دمي مو أغلى من دمك[/align]
__________________
شيعتي في كل واد البسوا ثوب السواد وأعلنوا يوم الحداد قد جاء محرم ياعباد يالثارت الحسين
رد مع اقتباس
  #4  
قديم 01-01-2007, 8:11 pm
شيرازية شيرازية غير متصل
 
تاريخ التسجيل: Jun 2006
المشاركات: 447
افتراضي

[align=center]اللهم صل على محمد وآل محمد وعجل فرجهم وأهلك أعدائهم
السلام عليكم ورحمة الله وبركاته
بسم الله الرحمن الرحيم

«®°·.¸.•°°·.¸¸.•°°·.¸.•°®»تابع : قصائد بقلم الاسطورة الإمبراطور الشاعر الإديب جابر الكاظمي ...«®°·.¸.•°°·.¸¸.•°°·.¸.•°®»

من شريط وحي القوافي

19 - صلى عليك .
صلى عليك مليك السماء - جسم صريعٌ بالعرى مقطعُ الأعضاء
سليب حسين غريب يا حسين

مو آية وحدة بهذه نزلت آيات بيها الكتاب يصرح
شما بالسمى وبالأرض من مخلوقات بإسم الإله تسبح
معناها يشعر عالم الموجودات باليحزن وباليفرح
وبهالشعور عليك ناحت كل ذات وادي الطفوف يوضح
بكى عليك ضميُر الجماد - ثم إرتدى ثوب الحداد - يا مبكي الأطواد
عجيب حسين غريب يا حسين

أول صواب الحجر لمن صابك ذاك الجبين تهشم
هذا الحجر ظل ينحب على مصابك وأصبح جبينك مأتم
سهم المثلث سجد يم أعتابك أدى التحية وسلم
ومن صاب چبدك ظل يحن لصوابك ألمك وهو تألم
ناحت عليك رؤوسُ النبال - وبكتك صاليةُ القتال - من محجر هطال
حبيب حسين غريب يا حسين

لمن طحت وإستقبلت وجه الله بدم الجروح إلترعف
تعناك شمر الخنى وسيفه بيمناه لگطع النحر متلهف
وعالنحر من وسط السيف وخلاه سيف الشمر ظل يرجف
هالسيف ظل يبچي على نحرك ودماه وعلى الجراح إلتنزف
بكت عليك عيون السيوف - وترابُ بادية الطفوف - في خطبك المعروف
تريب حسين غريب يا حسين

عن جثتك يا حسين راسك فصلوه وجسمك صريع مترب
تراب الأرض يبچي على حالك خلوه بموجة دماك تخضب
والشمس من شافت وريدك گطعوه بالحزن ظلت تلهب
راسك براس الرمح لمن شالوه حتى الرمح ظل ينحب
شابت عليك رؤوس الرماح - وبكتك بارقة الصفاح - يا من إلى الأرواح
حبيب حسين غريب يا حسين

والدك يوم الحشر هو الميزان وبچفه حوض الكوثر
شلون إنته إبنه تموت بالطف عطشان چبدك ذبل وتفطر
نهر الفرات اليوم منك خجلان ومن چبدتك يتعذر
خلوك يمه بلا غسل لا أچفان مغسل بدم المنحر
ناحت عليك ضفاف الفرات - دمعٌ وموج جاريات - وأنت بالفلوات
خضيب حسين غريب يا حسين

20 - شيعتي ياكرام
شيعتي يا كرام - يا عظامَ المقام
فإندبوا يا حسين- بفؤادٍ حزين

شيعتي إني غريبٌ بين أقوامٍ بغاتِ
و أنا الضامي و أُسقى من كؤوسِ النائباتِ
قطعوا رأسي ظُلماً بسيوفٍ مرهفاتِ
رفعوه بعد قتلي فوق أطراف القناتِ
ذاك رأسي مُشال - في رماحٍ طوال
و قطيعُ الوتين - بفؤادٍ حزين

شيعتي إن غاب عنكم في سماءِ الموتِ فرقد
فإذكروا الأكبر لما غاله السيف المجرد
و قتيلاً فوقه الأرماحُ و الأسيافُ سُجّد
و به قد صرعوا فوق الثرى جسمَ محمد
و شبيهُ الرسول - وطأتهُ الخيول
و فقدتُ البنين - بفؤادٍ حزين

شيعتي ما إن سمعتم من منادي وا أخاهُ
فإذكروا العباسَ لما قُطعت منه يداهُ
جئتهُ نحو الفراتِ قاصداً كيما أراهُ
فوجدتُ الجسدَ الطاهرَ تكسوهُ دماهُ
فإهتفوا بإنكسار - أين ذاك اليسار
أين ذاك اليمين - بفوادٍ حزين

شيعتي ما إن فقدتم من غلامٍ ذي مكارم
فإندبوه بدموعٍ و إذكروا لوعة قاسم
هو كالبدرِ تجلّى و جلّى تلك الغمائم
بدل الأشمعِ قد زُف بأطراف الصوارم
غاب ذاك الهلال - في بروج القتال
غاب نور اليقين - بفؤادٍ حزين

شيعتي ما إن فقدتم من رضيعٍ و هو ضامٍ
فإذكروا طفلي لما قتلوه بإهتضامِ
بدل الماءِ سقوه من أنابيب الحِمامِ
بأبي من ذاق طعم الموت من قبل الفُطامِ
ذاك نحر الرضيع - فاض منه النجيع
و دفنت الجنين - بفؤادٍ حزين

شيعتي ما إن شربتم عذبَ ماءٍ فاذكروني
أو سمعتم بقتيل أو شهيدٍ فإندبوني
فأنا السبط الذي من غير حرمٍ قتلوني
و بجرد الخيل بعد القتلِ عمداً سحقوني
ليتكم حاظرون - للنداء تسمعون
هاتفاً بأنين - بفؤادٍ حزين

21- يادنيه

مسلم شمال القلب من دنياي مسلم
أظل طيب أظل والدين مسلم
يصب دمعي لمصاب أطفال مسلم
يريت إلصار بيهم صار بيه


يا دنيه ما ظل والي - يا دنيه حتى أطفالي
يا دنيه راحوا تالي - يا دنيه هضموا حالي

بالكوفة مسلم وحده - ما بيها ناصر عنده
عدوانه خانوا عهده - وبصبره باذل جهده
بالغربة حفروا لحده - ما تطفى جمرة فقده
وأطفاله تاهوا بعده - راووها نفس الشدة
أولادي وآنه أمهم - أولادي سفكوا دمهم
أولادي محد يمهم - أولادي شغلوا بالي

ما ننسى حال العترة - شفناها فوق الغبرة
سيدها قطعوا نحره - خياله داسوا صدره
وعياله جذبت حسرة - عالوالي تجري العبرة
وأطفاله هالمنذعرة - مرعوبة صوب القفرة
طفليني هم وياهم - طفليني ما أنساهم
طفليني وين ألقاهم - طفليني تتراوى لي

بدموعي عنهم أسأل - يا ديرة محد يندل
دلالي ظل يتأمل - عالفرقة ما أتحمل
لن ناعي صاح ورتل - طفلينج بلا معقل
ذبحوها يم الجدول - والثاني يم الأول
ما أنسى وشلون أقدر - ما أنسى دوم أتذكر
ما أنسى هذا المنظر - ما أنسى فقد الغالي

أطفالي راحو مني - وبقلبي جمرة وني
مهمومة وخايب ظني - وهمومي ما رحمني
محتارة بالطف لني - ولا والي ينشد عني
مخلوقة للهم جني - والونة صارت فني
أتمنى يقرب أمري - أتمنى يخلص عمري
أتمنى مسلم يدري - أتمنى يتعنى لي

من شريط ياباب فاطمة

22 - لا قمر لاح
لا گمر لاح لاح بسمانه - ولا ورد فاح فاح بجنانه
شلون الزمان ينور - وضلع الشمس مكسور
لا گمر لاح لاح بسمانا

إذا لاحت مصيبة تكدر الوجدان - نذب اللوم كله برگبة الشيطان
إذا شفنا الورود تموت بالأغصان - نلوم إبليس وحده ونترك الإنسان
بالبشر ناس ناس بخيانة - شيبوا راس راس الديانة
بذاك الظلم والجور - ضلع الشمس مكسور
لا گمر لا لاح بسمانا

إلك أضرب مثل بمصيبة الزهرة - نشدت إبليس عن أفعال هالزمرة
وعن ضلع البتول الطاهرة وكسره - حتى إبليس منهم گال أتبره
شما حصل لوم لوم وأذية - يبدي من يوم يوم الرزية
والحادث المذكور - ضلع الشمس مكسور
لا گمر لاح لاح بسمانا

بگيت أنظر جمال الدنيا وأتحسر - وكل حالة أشوف بحالة أتذكر
إذا أنظر غصن مكسور أتأثر - أذكر حين ضلع الطاهرة تكسر
لو نجم غاب غاب وتعالى - أذكر الباب باب الرسالة
يم هالنجم منثور - ضلع الشمس مكسور
لا گمر لاح لاح بسمانا

الشمس كسروا ضلعها ويتموا بدرين - بدر بإسم الحسن والثاني بإسم حسين
وزينب نجمة محفوفة بسمى السبطين - على أمها تصب دمع مرجان من العين
هالدمع ساح ساح بجفنها - وچم گلب ناح ناح لحزنها
دمع النجوم يفور - ضلع الشمس مكسور
لا گمر لاح لاح بسمانا

23 - حيدر

حاء وياء ودال وراء حيدر حيدر حيدر
اسم تعشقه الاسماء حيدر حيدر حيدر
اسرار هل تذكر لا والله يا حيدر

بالعرش سرك يا حيدر بالكنوز الجوهرية - محد إلذاتك عرفها غير بارينه ونبيه
عن جميع الناس غابت هاي الأسرار الخفية - يلصبح حبك عبادة بأمر من رب البرية
أنت منار للأمناء حيدر حيدر حيدر
علمك نهج للعلماء حيدر حيدر حيدر
هل يغنيك الجوهر لا والله لا حيدر

إسمك الطاهر عشقته يا علي ويمشي ويا دمي - الحاء حبك وآنه منه بالمهد رضعتني أمي
الياء ياقوت الجلالة مودع بأعضاء جسمي - الدال دم شيعتك هذا الراء رحمة وتجلي همي
حبك يجري في الأعضاء حيدر حيدر حيدر
إن تطلب نعطيك دماء حيدر حيدر حيدر
يجدي فيض المنحر لا والله يا حيدر

حيدر وصرختنا منها ترجف قلوب النواصب - هالإسم مثل الزلازل عالعدى ينزل نوايب
هالإسم أمجاده تذوي بالمشارق والمغارب - هالإسم وحروفه تزهي تسطع بعين الكواكب
إسمك للأكوان ضياء حيدر حيدر حيدر
يسلب أرواح الأعداء حيدر حيدر حيدر
ذا مجد هل ينكر لا والله يا حيدر

حيدر ومن نذكر اسمك نذكره بإيمان صادق - يبتهج وجه الموالي وينخطف وجه المنافق
هذه ما نقصد إثارة للفتن هذه حقايق - هذا صوت بحق نصيحه إلما يوافق لا يوافق
فلتعلو منا الأصداء حيدر حيدر حيدر
أنت وجود دون فناء حيدر حيدر حيدر
هل نرضى بالمنكر لا والله يا حيدر

يا علي هالدنيا فرصة للذي يريد السلامة - وإلي ما يمشي بطريقك تالي ما تفيده الندامة
إسمك بوجه الموالي يا علي أصبح علامة - والذي يخالف طريقك ما يغيرنا بكلامه
أنت شعاع في العلياء حيدر حيدر حيدر
تزهو بالنور الوضاء حيدر حيدر حيدر
هل من سحر يؤثر لا والله يا حيدر

للشريعة نطيت دمك ما نعز عليك دمنا - يا علي ومن نذكر إسمك بيك يتبرك إسمنا
والخصم مهما يخالف والله ذرة ما يهمنا - منك عرفنا الحقيقة ومنك كسبنا علمنا
يا دستورا للبلغاء حيدر حيدر حيدر
يا منهاجا للحكماء حيدر حيدر حيدر
هل حرفت المصدر لا والله يا حيدر


من شريط ولي الله

24 - يا شايل نعش الوالي
يا شايل نعش الوالي ريض مشيتك - تانيني وأرحم حالي وآنه إرتجيتك
أرد أودعه - ومن تشيعه
ريض مشيتك

صحت والهم تبلاني ويلوج المدمع بعيني
يهداك الله يا هالشايل نعش والينا تانيني
أريد تريض الممشى تراني الهضم عاميني
وأهيس نشفت دمومي ولا گطرة بشراييني
لوين بهالنعش گاصد أريدك تسمع ونيني
أسوم عليك أبو الزهرة أودع الوالي خليني
آنه الحرة المظلومة هاي آنه زينب
لمن ينحب لا تلومه گلبي إلتعذب
لا تفجعه - ومن تشيعه
ريض مشيتك

يا شيال النعش ريتك تهون خطوة المسرى
ويا ريتك ترحم بحالي وأودع والد العترة
گبل ما توصل للحده وتخطه وبيدك تحفره
وگبل ما تنظر عيوني أبويه موسد بقبره
أريد اليوم أودعنه وأشمه بموضع الطبرة
وأغسل شيبته بدمعي وحنيني ولهفة الحسرة
وآنه بحسراتي وهمي ظليت أكابر
راح الوالي من يمي بيمن أصابر
وشيرجعه - ومن تشيعه
ريض مشيتك

گبل لا توصل لگبره وتنزل نعشه يا ريتك
شكثر يا مشيع الوالي تمنيت وترجيتك
ويا بو الحملة أريد أحچي وأگله تغيب ما دريتك
عگب عينك يا ضي البيت مظلم يا علي بيتك
يا ريت الموت ياخذني وتعيش إنت تمنيتك
مثل دم طبرتك دمعي يصب وبدمعي واسيتك
أتمنى تعيش بدالي وميتة عساني
يل ما تبعد عن بالي فگدك ولاني
بعيني دمعة - ومن تشيعه
ريض مشيتك

شكثر أتحمل وأصبر وأكابر عالحزن والهم
أطش هموم حسراتي وبعد لحظة ترد تلتم
گبل وجه الولي يا ريت وجهي ينخضب بالدم
ولا هذا النعش ألگاه محمول على چف الغم
أدور بلسم لجرحي شفت بس الدمع بلسم
گلت يتشافى بدموعي الجرح لن أكثر تألم
أقسم وأحلف بالطبرة أتمنى موتي
ناديت بصوت العبرة ما يخفى صوتي
هاك إسمعه - ومن تشيعه
ريض مشيتك

ألوذ بكاسر الويلاه وأطوف بموجة المدمع
وأشيع هالنعش وياك وعسى نعشي الذي تشيع
يا ريت الموت أخذ روحي وأنام بخطة المضجع
ولا أحضر لعند مدفن أبويه الفارس الأنزع
الدهر من زغري يتمني بعد من عنده شتوقع
المصايب تمرح بچبدي وتفطر چبدي وتصدع
راح الوالي ومن بعده دموعي جراهن
وشموع الدنيا بفگده كلهن طفاهن
شمعة شمعة - ومن تشيعه
ريض مشيتك


25 - رأسك أم قلب المختار

رأسك أم قلب المختار - قد خضب عرش الجبار
فيمن أتى - هذا الندا
هدمت أركان الهدى

تنزيه ذاتك ياعلي سر الإله المكنون - عن كل صفات ترفعت وحملت أشرف مضمون
إنت ورسول الله مثل موسى الكليم وهارون - لجل النبي ولجلك خلق رب العرش هذا الكون
لرسول الله العبرات - أم لك تبكي المخلوقات
لفقد من جاء الصدى - هدمت أركان الهدى

إنت ومحمد ياعلي مثل الجسد و يالروح - ييا با الحسن گلب النبي لو راسك أصبح مجروح
ماندري دم المصطفى لو هذا دمك مسفوح - ولا ندري إلمن في السماء هالليلة جبريل ينوح
ولمن يبكي جبرائيل - للتنزيل أم التأويل
وفي العلا صوت بدا - هٌدمت أركان الهدى

ناشدت بأصوات الدمع وإلينشد يريد جواب - هذا رسول الله إنصرع لو علي بوسط المحراب
لن صوت من ركن العرش جاوبني بدموع مصاب - شنهو الفرق بين النبي وبين الوصي داحي الباب
كلٌ يهتف واغوثاه - بمصابك يا أسد الله
مذ جردوا سيف الردى - هدمت أركان الهدى

زمزم مثل دمك نزف لجرحك يريد يواسيه - والكعبة ناحت ياعلي وصبت مدامعها عليك
وتردد أصوات الوحي وتناشدك وتناديك - لوجودك الكون إنوجد شلون التراب يواريك
لولاك مدارُ الأفلاك - ماكانت تسري لولاك
واليوم قد ضاق المدى - هدمت أركان الهدى

الليلة خطف چف الأجل روحك وأربع ارواح - روح الرسول وفاطمة روح العدل والاصلاح
مامن مَلَك إلا وحزن بالعالم العلوي وناح - عقدت نوايحها الشمس وإنحجب وجه المصباح
أبكيت عيون الأحكام - والكون نحيب وظلام
بأي نفس تُفتدى - هدمت أركان الهدى[/align]
__________________
شيعتي في كل واد البسوا ثوب السواد وأعلنوا يوم الحداد قد جاء محرم ياعباد يالثارت الحسين
رد مع اقتباس
  #5  
قديم 01-01-2007, 8:19 pm
شيرازية شيرازية غير متصل
 
تاريخ التسجيل: Jun 2006
المشاركات: 447
افتراضي

[align=center]][`~*¤!||!¤*~`][تابع : قصائد بقلم الاسطورة الإمبراطور الشاعر الإديب جابر الكاظمي ][`~*¤!||!¤*~`][


من شريط متى الملتقى

26 - بشعوري إنرسمت الصورة

بشعوري إنرسمت الصورة وغديت أنحب
إجه المهدي لضريح السيدة زينب
أنه المهدي يقلها والگلب يلهب
بلسان الدمع يحاچيها - وبصرعى الطف يواسيها
صلى وإندعى وأدى الزيارة وزار
وإجه يحاجچي گبرها وبضميره النار
يگقلها يعينچ الله على المصاب إلصار
شلون إصبرتي وشفتي المذبح - بيه دم جدي يسيل ويطفح
وبيا عين شفتي جسمه الموذر
وبكتره صريعة جثة الأكبر
وجسم جاسم بنار المصرع معفر
والعباس إنصابت عينه - وعالشاطي إنگطعت چفينه
اقسم وحگ حرمة خدرچ المسلوب
أحس گلبي مثل نار الخيم منشوب
وعد هذا علينه محتم ومكتوب
صابر وأتنطر ميعادي - أنهض وآخذ ثار اجدادي

27 - يم شاطي الصبر

آنه المنتظر حجة الباري - لثارك يا گمر طال إنتظاري
يل فضخوا هامتك - بيا مصرع جثتك
هزتني مصيبتك - وأبحث عن رايتك
يم شاطي الصبر تنتظرك رايتي وآنه يا الموعود صابر عالجمر

وقعة كربله أعظم رزية - بعيني مسجلة حروف المنية
يا عم يا با الفضل - فگدك ما ينحمل
خله المدمع يهل - لابد يمك أصل
يم شاطي الصبر تنتظرك رايتي وآنه يا الموعود صابر عالجمر

سهم المشرعة صوب دليلي - بروحي مودعة جمرة غليلي
كل نورك يا گمر - غاب بكهف القهر
لثارك شاخص نظر - خاوى عيوني السهر
يم شاطي الصبر تنتظرك رايتي وآنه يا الموعود صابر عالجمر

سبط المصطفى عمرك فديته - بحدود الوفى چفك نطيته
يا المصيوب بعمد - گرب يوم الوعد
بگلبي تحوم الشدد - وشگد أصبر بعد
يم شاطي الصبر تنتظرك رايتي وآنه يا الموعود صابر عالجمر

28 - بريد القلب
يا مهدي بريد القلب وافاك
يا مهدي سئمت العيش لولاك
يا مهدي وعين الله ترعاك
يا مهدي آه يا مهدي

أظل باسمك أردد يا بدر ليلي
بحبر دمعي الك أكتب مراسيلي
موعودٌ من الأصلاب نهواك
موعودٌ متى نحيى بلقياك
موعودٌ وعين الله ترعاك
يا مهدي آه يا مهدي

ذبل غصني بهجير الضيم يا المهدي
شوكت غيمك عليّ بمطرته يندي
في قلبي جعلت الحب أفلاك
في قلبي شعاع من محيّاك
في قلبي وعين الله ترعاك
يا مهدي آه يا مهدي

أمل عندي أشوفك واحتمي بسدك
ويكاحلني الوميض اليدي من خدك
معشوقٌ ودار الحب عيناك
معشوقٌ وكيف القلب ينساك
معشوقٌ وعين الله ترعاك
يا مهدي آه يا مهدي

حملت فكري وشعوري بهودچ أسرارك
ولا أدري تقيم بيا أرض دارك
محجوبٌ متى نحظى برؤياك
محجوبٌ شعاف القلب مرماك
محجوبٌ وعين الله ترعاك
يا مهدي آه يا مهدي

إذا تفرح تهيم بفرحتك روحي
وإذا تحزن تهيّج ساكن جروحي
موتورٌ ويوم الطف أبكاك
موتورٌ أتنسى الوتر حاشاك
موتورٌ وعين الله ترعاك
يا مهدي آه يا مهدي


29- نارين شبوها القوم

نارين شبوها الگوم - نارين تسعر لليوم
ضلعين انهشمت للعتره - ضلع حسين وضلع العتره
نارين شبوها الگوم - نارين تسعر لليوم

يا الغايب طالت هالغيبه - وانحشمك بدموع العين
ما تخمد جمرة الآمك - تلهب من كسر الضلعين
وش عملوا اشرار الأمه - ضلع الزهره وضلع حسين
كسرين كسروا الأشرار - وكسرين يا ابن الأطهار
يا كسر الي يسهل جبره - ضلع حسين وضلع الزهره

يا الغايب واصعب كل حاله - طفلين انصابوا بصواب
عدوانك هجموا عالزهره - طيحوا محسن يم الباب
صابوا عبدالله بنبلتهم - ومصاب أصعب من مصاب
طفلين غدروا الأشرار - وطفلين يا ابن المختار
يا هو الأكثر يصعب أمره - ضلع حسين وضلع الزهره

يا الغايب نارين بگلبك - تتحمل جمرة يا نار
تتحمل نيران خيامك - لو نار الشبت بالدار
من باب الزهره الملتهبه - حولت لخيام الأطهار
بالباب شبت نارين - بالباب وخيام حسين
بهاي النارين المستعره - ضلع حسين وضلع الزهره

يا الغايب يا يوم وتنهض - تهتف يا ثار المذبوح
والطاغي الصوب ضلع أمك - وأظلمها وخلاها تنوح
هو الآمَر عمتك زينب - للكوفه وللشام تروح
منشوب جمر العبرات - منشوب يُخمد هيهات
والما تنشف الها العبره - ضلع حسين وضلع الزهره

ظلمين انصبن عالعتره - ظلم الثاني وابن زياد
گيدوا رگبة جدك حيدر - للبيعه ومغصوب انگاد
نفس الگيد تحول للطف - واتگيد بيه السجاد
الآم ما ظنها تزول - الآم عنهن شتگول
صوابين وكل واحد جمره - ضلع حسين وضلع الزهره

30 - يالغايب متهتم

يا الغايب ما تهتم لو عندك أنصار - ولثارك تتقدم يا صاحب الثار
حاير صرت يا المهدي - چان ظهرت يا المهدي
لو عندك أنصار

يا حجة بارينه يا خاتم الأطياب - يا إلكسروا ضلع أمك دفعوا عليها الباب
أسبابك معروفة ما تخفى هالأسباب - ما نعتب وعليمن نلوم ونشن عتاب
ما عندك يا المهدي ليوم الشدد أصحاب - مثل إلي بأرض الطف ضحوا مهج ورگاب
هالصفوة وقائدهم كعبة الأحرار - لو عندك من عندهم بالحرب ثوار
بيهم ثرت يا المهدي - چان ظهرت يا المهدي
لو عندك أنصار

هالصفوة إستصفاهم رب العلى القيوم - من ثاروا بالحومة ورغموا أنوف الگوم
هالنخبة بيوم الطف مثل النسور تحوم - وإكتسبوا همتهم من همة المظلوم
ما هابوا كل ظالم ولا هابوا المحتوم - يا الغايب ولجدك بذلوا مهج ودموم
وإنتفضوا عالغاصب ما هابوا أخطار - لو تملك يا الغايب هالصفوة الأطهار
ما تأخرت يا المهدي - چان ظهرت يا المهدي
لو عندك أنصار

من عابس أبديها ويتوضح المضمون - لمن طب ميدانه يشهد إله الكون
دب سيفه وراح أعزل والعسكر يشوفون - لن واحد ظل يسأل أعزل تروح شلون
يا عابس چن عقلك جن وصرت مفتون - لن جاوب أي والله بحب السبط مجنون
أشرح لك هالموقف هذا الذي صار - لن دمعك ظل ينزف وجريت الأعبار
وتأثرت يا المهدي - چان ظهرت يا المهدي
لو عندك أنصار

وأحچي لك يا المهدي عن موقف إبن القين - يم جدك سل سيفه وللحومة دار العين
لن يهتف إرخصني أفدي النفس يا حسين - وترخص من جدك وتوسط الجيشين
والعسكر ظل يرجف ما يدري دربه منين - وتقدم هالفارس وروحه إنتزعها البين
وإستشهد وتوذر بحدود الأشفار - يا الغايب ما تگدر تسمع هالأخبار
شلون گدرت يا المهدي - چان ظهرت يا المهدي
لو عندك أنصار

وعن الحر أروي لك يا حجة الرحمان - خصص كل مجهوده وناصر بني سفيان
وتندم عن فعله وتحرك الوجدان - لن يهتف يم جدك تعنيت إلك ندمان
جاوب يا هالتايب يغفر لك الديان - صفحة عز سجلها وخطها بدمى الشريان
طبع الحر ما يصبر ولا يحمل العار - لو عندك مثل الحر تشهر البتار
وتحيرت يا المهدي - چان ظهرت يا المهدي
لو عندك أنصار


هاك إسمع يا الغايب صوت البواسل صاح - يا فارس يتقدم تقدم حبيب وراح
وظل خايف من عزمه كل مجرم وسفاح - وإستقبل هالثاير سيوف ونبل ورماح
وإستشهد لجل الحگ لحگ المراجل طاح - جدك كل أنصاره للحگ نطت أرواح
يا وارث كل عزمك من إلحمى الجار - وحگ كسرت ضلع أمك نفدي لك أعمار
وش فكرت يا المهدي - چان ظهرت يا المهدي
لو عندك أنصار


أمرك لاشك يرجع للخالق المعبود - ونعاهد من تظهر وبيومك الموعود
نفدي لك كل دمنه ورب الجلالة شهود - يا الصاحب تلگانه أنصار إلك وجنود
نتأمل عالموعد نورك علينه يعود - نرخص لك كل غالي لمن ترد ردود
انصارك ننتظرك يا سر الأسرار - يا الصابر كل عمرك من جور الأشرار
ما قصرت يا المهدي - چان ظهرت يا المهدي
لو عندك أنصار

من شريط بعد ما أشوفك

31 - حسين يا حسين
حسين يا حسين حكم القضاء جاري - هبت رياح البين والأمر للجبار
لا تبكي يا مظلوم - فلنحكي يا مظلوم

إمسح دمعة عينك يا بني وإسمع يا حسين
آنه الوالد حيدر وإنت ثاني السبطين
هالليلة وياكم أتوادع بدموع العين
باچر أتوارى وأتوسد بتراب البين
اليوم يوم الأجر أسلمت للأقدار - صبراً فإن الصبر من شيمة الأبرار
لا تبكي يا مظلوم - فلنحكي يا مظلوم

يا حسين آنه الموت الأحمر وآنه الزلزال
وآنه إلما فارس يدنى لي ذليت أبطال
هاليوم الدنيا تسلمني چف الآجال
بعينك شفت براسي الطبرة ودم إلي سال
في االكون يعلو صوت يا حيدر الكرار - قد فتحت للموت بوابة الأعمار
لا تبكي يا مظلوم - فلنحكي يا مظلوم

جبريل يصيح وينعاني وصوته يوافيك
كل الأملاك بهالمحنة اليوم تواسيك
من گبل الموت إسمع مني يا بني وأوصيك
إصبر يا حسين وبارينه بلطفه يجازيك
نشكو عظيم الخطب للواحد القهار - ذا خطبنا في القلب أوغى لهيب النار
لا تبكي يا مظلوم - فلنحكي يا مظلوم

باچر إنت يتيم تصبح وتجرع آلام
وتعلم يا بني عليك شتفرض هاي الأحكام
تحفظ حگ دين الله وتحفظ حگ الأيتام
وتروي بدم نحرك بذرة دين الإسلام
ها أنت يا بن الطهر ريحانة المختار - مهلاً وأنت الحر بل كعبة الأحرار
لا تبكي يا مظلوم - فلنحكي يا مظلوم

من يتشيع نعشي وجسمي تضمه التربان
لا تستغرب لمن تنظر دفن الجثمان
راح أتغسل آنه وجسمي تلفه الأچفان
وإنت تظل دامي وما يحضر يمك دفان
لما تفيض النفس والجسم في المضمار - فوق الثرى والرأس في ذروة الخطار
لا تبكي يا مظلوم - فلنحكي يا مظلوم

32 - بعد ما أشوفك

أخاف من أعوفك - بعد ما أشوفك
إذا ماتجيني اقدر ظروفك
طويلة رحلتي - واخاف برجعتي
بعد ما أشوفك

يعباس إختك آنه ولا تبارحني - چنت إنت إلتمسيني وتصبحني
بفرگتك ذلتي وشوفك يفرحني - وكلام الشامت بفرگاك يجرحني
يريت الموت أخد روحي ويريحني - وإذا أنساك الله لا يسامحني
أخاف أشتكيلك - وأعذب دليلك
وأريد بدموعي أبرد غليلك
تودعك دمعتي - واخاف برجعتي
بعد ما أشوفك

أودعك يابن أبويه ولليسر اطلع - وأعوفك بدر غايب نوره بالمصرع
مثل جسمك توذر گلبي و تگطع - وكلامي وياك صار يترجمه المدمع
إذا أرجع يخويه شراح أتوقع - إذا أرجع أشوفك بعد من أرجع
أباصر دليلي - بسفرتي ورحيلي
گلت له عجيبة أفارگ كفيلي
على فگدك حسرتي - وأخاف برجعتي
بعد ما اشوفك

أصيحن وإليموت شينفعه الصايح - سكتت ودموعي جدول عالوجن سايح
غصب عني أعوفك والضغن رايح - بلا توديع أتركك عالنهر طايح
تعاتب لا تعاتب و العتب جارح - تودني و إليود من شيمته يسامح
ضعنه برواحة - يريد السماحة
تسير الضعينة بونين ونياحة
تنشدك مهجتي - وأخاف برجعتي
بعد ما اشوفك

أنشدك لو مشيت بضعني وأتيسر - تگقدر تنهض تشد الضعن تقدر
اذا بسياطه خصمك يضرب الخدر - تگدر تحمي عيلة وسايرة بهالبر
اذا چتالك بمجلس شتم حيدر - تگدر تجي هناك تدافع وتحضر
اذا وگفونه -بمجالس عدونه
حرم وإحنه نسمع يشتمون أبونه
شينشف عبرتي - وأخاف برجعتي
بعد ما أشوفك

إذا مسبية من يمك رحت ومشيت - وعني ما گمت يا با الفضل حاميت
اذا مجلس دخلت وحايرة ظليت - إذا حشمتك وللنخوة ما لبيت
العذر مقبول منك خوية لو ماجيت - شلون تگوم وإته بس جسد ظليت
ياجمرة حنيني - يعذرك ونيني
عسن مني گطعوا يساري ويميني
شيرجع لهفتي - وأخاف برجعتي
بعد ما أشوفك

شخلت ساحة الطف خذت مني حيول - شحچي ويا النهر والسهم والعامود
فطر چبدي العطش من نار سهم الجود - إذا تسكن لحد أسكن يخويه لحود
للطف يبن أبويه الضعن من يعود - أخافن ما أشوفك لو رجعت ردود
يطول غيابي - وأجيك بمصابي
إذا ما لگيتك تزيد عذابي
تهيج جمرتي - وأخاف برجعتي
بعد ما أشوفك


والسلام مسك الختام والكلام - تحياتي شيرازية [/align]
__________________
شيعتي في كل واد البسوا ثوب السواد وأعلنوا يوم الحداد قد جاء محرم ياعباد يالثارت الحسين
رد مع اقتباس
  #6  
قديم 04-08-2007, 7:47 pm
خادم اهل البيت خادم اهل البيت غير متصل
 
تاريخ التسجيل: Nov 2006
الدولة: القطيف
المشاركات: 346
افتراضي

بسم الله الرحمن الرحيم
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
مشكوره اختي الكريمه
بانتظار المزيد
في ميزان اعمالك
__________________
((منتديات أهل البيت عليهم السلام ))

فلا تبخل في خدمة أهل البيت عليهم السلام

يُمنع وضع روابط في التوقيع/





اللهم كن لوليك الحجة بن الحسن صلواتك عليه وعلى ابائه في هذه الساعة وفي كل ساعة وليا وحافظا وقائدا وناصرا ودليلا وعينا حتى تسكنه ارضك طوعا وتمتعه فيها طويلا
رد مع اقتباس
  #7  
قديم 05-24-2007, 7:44 am
batoola batoola غير متصل
 
تاريخ التسجيل: Oct 2006
المشاركات: 106
افتراضي

مشكووووووره حبيبتي شيرازيه

ااموووت في صووت باسم
وشعر جابر

صج اسطوووره ـ



رعاج الاله

وسلمت يمناج غاليتي

,,


موووفقه
رد مع اقتباس
  #8  
قديم 06-05-2007, 1:46 pm
الصورة الرمزية آهآتـ بآكيهـ
آهآتـ بآكيهـ آهآتـ بآكيهـ غير متصل
 
تاريخ التسجيل: Jul 2006
الدولة: كوكبي ..!!
المشاركات: 1,141
افتراضي

مافي احلى من باسم بالنسبة الي
مشكورة حبيبتي
والله يعطيج العافية
__________________
رد مع اقتباس
  #9  
قديم 06-12-2007, 12:09 pm
الصورة الرمزية hdooxa
hdooxa hdooxa غير متصل
 
تاريخ التسجيل: May 2007
المشاركات: 1,120
افتراضي

مشكوره اختي
الله يعطيك العافيه
رد مع اقتباس
  #10  
قديم 07-03-2007, 2:31 pm
الصورة الرمزية أسيرة الجروح
أسيرة الجروح أسيرة الجروح غير متصل
 
تاريخ التسجيل: May 2007
المشاركات: 272
افتراضي

مشكوورة اختي


الصراحة مافي احلى من صووت باسم الكربلائي
رد مع اقتباس
  #11  
قديم 07-09-2007, 2:07 pm
ولد سترة ولد سترة غير متصل
 
تاريخ التسجيل: Feb 2006
المشاركات: 180
افتراضي

__________________




رد مع اقتباس
  #12  
قديم 07-11-2007, 4:47 pm
boahmad_2020 boahmad_2020 غير متصل
 
تاريخ التسجيل: Jul 2007
المشاركات: 28
افتراضي

مشكور مشكور
مشكور مشكور
مشكور مشكور
مشكور مشكور
مشكور مشكور
رد مع اقتباس
  #13  
قديم 07-16-2007, 2:26 am
القلب الكبير القلب الكبير غير متصل
 
تاريخ التسجيل: Jan 2007
المشاركات: 82
افتراضي

والله انك معك حق باسم احلى حنجره ممكن احد يسمعه

هذا الصوت يعتبر من عجائب الدنيا السبع

لو عرفتني عن قرب انسان جدا متواضع

انا عن نفسي سلامت عليه شخصيا
__________________
رد مع اقتباس
  #14  
قديم 07-29-2007, 1:46 pm
صدى الحسين صدى الحسين غير متصل
 
تاريخ التسجيل: Jul 2007
المشاركات: 23
افتراضي

مشكورةعلى إظافة القصايد مكتوبه وبارك الله فيك

ماشأالله عليك الله يوفق الجميع يالله
رد مع اقتباس
  #15  
قديم 07-29-2007, 1:54 pm
صدى الحسين صدى الحسين غير متصل
 
تاريخ التسجيل: Jul 2007
المشاركات: 23
افتراضي

مشكورةعلى إظافة القصايد مكتوبه وبارك الله فيك

ماشأالله عليك الله يوفق الجميع يالله
بارك الله جميع
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:00 am


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir